Transcription
1
Reçue à Grenoble, le 13 mars 1573.
2
Monseigneur, apprès vous avoir escript et teneuz
3
encor la lette en mes mains me sont venuz treuver
4
certains particuliers parens et amys d’aulcuns
5
des marchandz de ce pays qui sont estez faictz
6
prisoniers par ceulx de la religion en Vivarez
7
comme ilz alloyent à la foyre d’Arlenc en Auvergne,
8
dont pource qu’il y en a ung beaufrère et ung autre
9
cosin de ministre Perron, principal conducteur
10
de Pragella, il en a mandé les premières
11
nouvelles asseuréez par la lettre qu’il a escripte
12
à une sienne seur, laquelle m’ayant esté communicquée
13
pour leur donner licence, j’ey retirée et la vous
14
envoye pource qu’elle respond quasi ad ce que je
15
vous avoys ja escript. Je leur ay permis
16
aller prandre lettres des eglises dudit Pragella
17
pour leur servir en ce qu’elles pourront,
18
avec condition qu’ilz passeront devers
19
vous pour entendre votre bon plaisir
20
et me semble qu’il n’y a poinct de mal
21
de leur ayder veu qu’ilz sont catholicques,
22
encor que je pence que le tout leur servira
23
bien peu pource qu’ilz sont brigandz et
24
le meilleur seroit de prandre de ceulx
25
de leurdite relligion qui ne se sont vollus
26
[257v°] catholizer en ce pays et sur tout de ceulx de
27
Pragella pour avoir le revenche et contrechange,
28
veu quilz spèrent à si grand secours,vous
29
supplie, monseigneur, si loccasion se presente, quil vous
30
plaise ne me laisser inutille et ne moblier
31
point, car, apprès avoir laissé bon ordre
32
au château d’Exilles, je dresserey promptement
33
quatre compagnies telles quelles meriteront
34
de veoir, et seroye très aise destre
35
soubz ung regiment de monsieur de Laval
36
ou de monsieur d’orche, ou pour fère les forts
37
de Pragella qui y sont trop plus que meriteront,
38
ou pour aller aillieurs où le service de
39
notre bon roy le requierra. Sur ce, priant
40
le Createur,
41
monseigneur, vous donner en bonne santé
42
longue et très heureuse vie. D’Exilles,
43
ce VIIIe mars 1573
44
Je fortiffie notre garde de dix
45
hommes que me prestent les consulz
46
d’Exilles, vous suppliant très humblement
47
nous pardonner ce que cognoissés
48
estremement
49
Votre très humble et
50
plus affectionné serviteur
51
La casette